10:25
19 აგვისტო, 2019, ორშაბათი
იტვირთება შემდეგი ვიდეო
თავისუფალი თემა
"3 დღე სისხლდენა არ ჩერდებოდა ბერის უსულო გვამიდან" - ოჯახი, სადაც 9 დედმამიშვილიდან 5 სასულიერო პირია
04-02-2019

სოფელ ზედა დიმის, წმინდა გიორგის სახელობის ტაძრის წინამძღვარის იოანე ყურაშვილის, განვლილი ცხოვრების გზა მარტივი არ ყოფილა. ჯერ იყო განსაცდელი, მერე სურვილი, მორჩილება და დიაკვნად ხელდასმა. ტაძარი, რომელიც ზუსტად ერთი საუკუნის წინ აშენდა, წლების განმავლობაში დაკეტილი იყო. ნახევრად ფიცრული ეკლესია, კომუნისტების დანგრევას გადაურჩა. მაშინ როცა წირვა-ლოცვა აღდგა, მამა იოანეს კურთხევითა და სოფლის მაცხოვრებლების დიდი ძალისხმევით, ტაძარს რესტავრაცია ჩაუტარდა. პირვანდელი სახით შემონახულ ეკლესიაში, თითქმის ყველაფერი ისევ ისეა როგორც ერთი საუკუნის წინ. სოფელში ყველამ იცის, რომ გამორჩეული ოჯახიდანაა. გამორჩეული იმიტომ, რომ მისი ცხრა დედმამიშვილიდან ხუთმა სასულიერო ცხოვრება აირჩია.

ყველაფერი კი 1993 წლის ივლისში დაიწყო... ის აფხაზეთის ომის დროს, მტრის ტყვიით დახვრეტილი მამა ანდრიას ძმაა. მაშინ ბერი ანდრია 27 იყო. ახალგაზრდა ქართველმა არც ხალხი დატოვა და არც ეკლესია. არც მტრის წინ დაუჩოქია და არც ქვეყნის ღალატი უფიქრია. მამა ანდრია არ ყოფილა სასულიერო პირი, რომელიც მხოლოდ ტაძარში წირვა-ლოცვას აღავლენდა, ის ნამდვილი თავდადებული ქართველი, ერისკაცი და ბერი იყო...


თავისი მაგალითით შეშინებულ და დაბნეულ ხალხს ბრძოლის ჟინი გაუღვივა და საქართველოს ერთიანობისთვის თავი გაწირა. ბერის სისხლიანი კაბა და უსულო სხეული ქართულ მიწაზე დაეცა, უკნიდან დამიზნებული მტრის ბანაკიდან ნასროლი ტყვიით. მამა ანდრიამ მანამდე მოასწრო და კომანელები აზიარა, საქართველოს ერთიანობისთვის ალოცა და ღიმილით აღესულა. დახვრეტამდე, ბევრი ადამიანის გადარჩენა შეძლო. ბერმა გადამწვარი კომანის უსახლკარო მოსახლეობა თავის შესამოსელით შემოსა და თავისივე ხელით გამომცხვარი პურით დააპურა. ეკლესიაში, როცა რუსული და აფხაზური საუბარი შემოესმათ, მამა ანდრია ყველაზე მშვიდად იყო და ლოცულობდა. მერე ის გაიყვანეს და მიზანში ამოღებულს რუსულად ჰკითხეს მომხდურებმა, ეს საქართველოს მიწაა თუ აფხაზეთისო?! აუღელვებლად უპასუხა, ეს ღვთის მიწააო. ამ უკანასკნელი წინადადებით გადაინაცვლა ზეციურ სასუფეველში... სამი დღე სისხლდენა არ ჩერდებოდა უსულო გვამიდან... მერე ცისფერ ხავერდში გაახვიეს გვამი და მესამე დღეს კომანის მონასტრის ეზოში დაკრძალეს...  სწორედ მაშინ, სასულიერო პირზე ომის ქარცეცხლში, ლეგენდა დაიბადა.

მამა ანდრიას მოწამეობრივმა აღსასრულმა მისი დებისა და ძმების ცხოვრება მთლიანად შეცვალა. მამა იოანე თეთრი მღვდელია, მეორე - ბერი, ორი და კი, მონაზონი.

AutoPlay
"ერიდება ბავშვებთან ურთიერთობა, არ დასცინოს ვინმემ" - ანომალიით დაბადებული 7 წლის ნიკოლოზი, რომელსაც ჩვენი დახმარება სჭირდება
12-08-2019
"საქართველოში ამ დიაგნოზი პაციენტი არ ჰყავთ, იძულებული ვართ წავიდეთ საზღვარგარეთ" - როგორია 6 წლის ნიას სიცოცხლის გადასარჩენად გასავლელი გზა?
05-08-2019
"მოდით ჩემთან, როგორც ცოცხალთან და მომიყევით თქვენი წუხილი. მე დაგეხმარებით" - სასწაულმოქმედი მირონდინარე ხატი ქუთაისთან ახლოს
29-07-2019
"იცოდეთ ეს ადგილი და წნევა არ დაგარტყამთ" - სუ ჯოკ თერაპევტი ქალი საგარეჯოში, რომელიც ადამიანებს კურნავს
22-07-2019
მსოფლიო ეკოლოგიური პრობლემები და საქართველოს ბუნება - "21-ე საუკუნე არის ძალიან ბევრი სახეობის გადაშენების საუკუნე"
15-07-2019
"თავისუფალი თემა" - ევროპული ცივილიზაციის საწყისი
08-07-2019
გააკეთე კომენტარი
FB კომენტარი
სხვა სიახლეები