„ოპოზიციის ალიანსი“ სამოქალაქო საზოგადოების წარმომადგენლებსა და საპროტესტო ჯგუფებთან თითქმის 2-საათიანი შეხვედრის დამთავრების შესახებ განცხადებას ავრცელებს. მათი ინფორმაციით, შეხვედრაზე ოპოზიციურ პარტიებს შორის მიღწეული შეთანხმება და საერთო პოლიტიკური სტრატეგია უნდა წარადგინონ.
გავრცელებულ განცხადებაში აღნიშნულია, რომ შეხვედრის მიზანი სამოქალაქო ჯგუფებთან უფრო მჭიდრო თანამშრომლობის გაძლიერებაა. ორგანიზატორების თქმით, ეს თანამშრომლობა აუცილებელია როგორც საპროტესტო მოძრაობის გაფართოებისთვის, ისე იმისთვის, რომ უფრო მეტ მოქალაქეს განემარტოს პოლიტიკური ცვლილებების აუცილებლობა.
„ოპოზიციის ალიანსში“ აცხადებენ, რომ ქვეყნის მიმდინარე პოლიტიკური ვითარება სხვადასხვა ჯგუფის კოორდინირებულ მოქმედებას მოითხოვს. მათი თქმით, სწორედ ამ მიზნით გრძელდება დიალოგი როგორც სამოქალაქო აქტივისტებთან, ისე საპროტესტო მოძრაობაში ჩართულ სხვადასხვა ჯგუფთან.