ვასო აბაშიძის სახელობის „ახალ თეატრს“, რომლის მსახიობიც 2024 წლის საპროტესტო დემონსტრაციებისას დაპატიმრებული ანდრო ჭიჭინაძე იყო და რომლის მხარდამჭერი ბანერის ჩამოხსნასაც მიმდინარე კვირაში თეატრში დაპირისპირება მოჰყვა - მსახიობები ტოვებენ. წასულ მსახიობებს შორის არიან ეკა დემეტრაძე, გივიკო ბარათაშვილი, კახა კინწურაშვილი და ნანკა კალატოზიშვილი. მანამდე 2025 წლის აპრილში „ვასო აბაშიძის სახელობის სახელმწიფო პროფესიული ახალი თეატრის“ ხელმძღვანელის პოსტიდან გაათავისუფლეს რეჟისორი დავით დოიაშვილი, - ის ერთ-ერთი იყო, ვინც საპროტესტო აქციებში აქტიურად მონაწილეობდა.