ისრაელმა ღაზადან ბოლო მძევლის ცხედარი დაიბრუნა, - ინფორმაციას ისრაელის თავდაცვის ძალები ავრცელებს.
ისრაელის თავდაცვის ძალების განცხადებით, ცხედარი, რომელიც სერჟანტ რან გვილის ეკუთვნის, იდენტიფიცირებულია და ახლა მისი ისრაელში გადასვენება მოხდება.
ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ უკანასკნელი მძევლის ცხედრის დაბრუნება, „ისრაელისთვის განსაკუთრებულ მიღწევას წარმოადგენს“.
„ჩვენ პირობა დავდეთ, რომ ყველას დავაბრუნებდით და ჩვენ ყველა დავაბრუნეთ“, - აღნიშნა ისრაელის პრემიერ-მინისტრმა.