ესპანეთის მთავრობამ მიიღო გადაწყვეტილება, რომ არ მიიღოს მონაწილეობა ე.წ. მშვიდობის საბჭოში, - ამის შესახებ ესპანეთის პრემიერ-მინისტრმა პედრო სანჩესმა განაცხადა. სანჩესის თქმით, გადაწყვეტილება რამდენიმე კვირიანი ფიქრისა და ბევრ ქვეყანასთან კონსულტაციის შემდეგ მიიღო. მისი განმარტებით, ესპანეთის მთავრობა ამას თანმიმდევრულად და გაერთიანებული ერების ორგანიზაციის სისტემასთან და საერთაშორისო სამართალთან მრავალმხრივი წესრიგისადმი ვალდებულებების შესაბამისად აკეთებს.