პრემიერ-მინისტრი, ირაკლი კობახიძე აცხადებს, რომ ხელისუფლება ვალდებულია, ქართველ ხალხს დემოკრატიის ერთ-ერთი ფუნდამენტური პრინციპით - დებატებით სარგებლობის უფლება დაუბრუნოს. მისი თქმით, საჯარო დისკუსია აუცილებელია იმისთვის, რომ მოქალაქეებმა ნებისმიერი პოლიტიკური არჩევანი სწორი ანალიზის საფუძველზე გააკეთონ და მოისმინონ ყველა იმ ძალის პოზიცია, რომელსაც ხელისუფლებაში ყოფნის ამბიცია აქვს.