თბილისში საპატრულო პოლიციის დეპარტამენტის ერთიანი მომსახურების ცენტრის ახალი სივრცე გაიხსნა, რომელიც პეტრე ქავთარაძის ქუჩაზე მდებარე შინაგან საქმეთა სამინისტროს მომსახურების სააგენტოს ტერიტორიაზე მოეწყო. მოქალაქეებს საშუალება ექნებათ ერთ სივრცეში მიიღონ 50-მდე საპოლიციო მომსახურება – მათ შორის, შეეძლონ ჯარიმების გადახდა, გასაჩივრება, 112-ის საჯარიმო სადგომიდან ავტომობილის გაყვანის ნებართვის აღება, ადმინისტრაციული სამართალდარღვევების შესახებ ცნობის მიღება, არაგაბარიტული/ზენორმატიული ტრანსპორტით გადაადგილების ნებართვის აღება და სხვა. შინაგან საქმეთა სამინისტროს განცხადებით, სიახლე მიზნად ისახავს საპოლიციო სერვისებზე მოქალაქეთა ხელმისაწვდომობის გაზრდასა და მომსახურების ეფექტიანობის გაუმჯობესებას.