რუსეთსა და აშშ-ს შორის უკრაინის შესახებ კონსულტაციები არ მიმდინარეობს, - ამის შესახებ კრემლის პრესსპიკერმა, დიმიტრი პესკოვმა განაცხადა.
„როგორც ასეთი, კონსულტაციები ამჟამად არ მიმდინარეობს. კონტაქტები, რა თქმა უნდა, არის. მაგრამ პროცესი, რომელსაც კონსულტაციები შეიძლება ეწოდოს, არ მიმდინარეობს“, - განაცხადა დიმიტრი პესკოვმა.
მისი თქმით, „რუსეთი უკრაინაში ვითარების მშვიდობიანად მოგვარებისთვის მზად არის“.
„მშვიდობიანად მოგვარებისთვის ნებისმიერი დრო საუკეთესოა, მაგრამ ამან კონფლიქტის ძირეული მიზეზების აღმოფხვრა უნდა გამოიწვიოს“, - აღნიშნა პესკოვმა.