საქართველოში ადამიანის უფლებების შესახებ აშშ-ის სახელმწიფო დეპარტამენტის ანგარიში ოპოზიციითვის კიდევ ერთი დასტურია იმისა, რომ ქართული ოცნების პირობებში ორ ქვეყანას შორის ურთიერთობის გაუმჯობესება ვერ მოხდება. უფრო მეტიც, ოპონენტები იმედოვნებენ, რომ დოკუმენტის შინაარსი, რომელიც ფიზიკური თავდასხმების, დაშინებისა და ძალადობის მუქარის შესახებ ცნობებს შეეხება მეგობარი აქტის მიღებას დააჩქარებს. ქართულ ოცნებაში კრიტიკას არც ამერიკული მხარისგან იღებენ. მათი თქმით, საპროტესტო აქციების დროს სამართალდამცველებმა კანონის ფარგლებში იმოქმედეს.