ევროკომისიის 8 რეკომენდაციის შემდეგ, ბრიფინგის ფორმატში, მთავრობის მეთაურმა ირაკლი კობახიძემ, ბრიუსელს ოფიციალური განცხადებით უპასუხა. პრემიერ-მინისტრის გზავნილები კვლავ ე.წ. „დიფ სთეითის“ გავლენებს და საქართველოში სავარაუდო დესტაბილიზაციის მოწყობის მცდელობებს უკავშირდებოდა. მმართველი პარტიისთვის ევროკავშირის მხრიდან შემუშავებული რეკომენდაციები მიუღებელი აღმოჩნდა. ხელისუფლების წარმომადგენლები ამბობენ, რომ ოფიციალური ბრიუსელი საქართველოში მიმდინარე პოლიტიკური მოვლენების შეფასების დროს, ორმაგ სტანდარტს იყენებს. ოპოზიცია უვიზო მიმოსვლის შეჩერების საფრთხეებზე სრულ პასუხისმგებლობას ქართულ ოცნებას აკისრებს. აპირებს თუ არა „ქართული ოცნება“ დათმობაზე წასვლას