აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს. ამის შესახებ, როგორც ამერიკული და ევროპული მედიასაშუალებები იუწყებიან, ჟურნალისტებს პრეზიდენტმა დონალდ ტრამპმა განუცხადა. ტრამპს არ დაუკონკრეტებია უკრაინისთვის გასაგზავნი სარაკეტო კომპლექსების რაოდენობა და არც ის, თუ ევროკავშირის რომელი ქვეყნები გადაიხდიან თანხას. აშშ-ის პრეზიდენტმა ისევ გამოხატა იმედგაცრუება რუსეთის პრეზიდენტ ვლადიმირ პუტინის მიმართ, და განაცხადა რომ უკრაინელებს თავდაცვა სჭირდებათ. მანამდე ტრამპმა განაცხადა, რომ აშშ იარაღს უგზავნის ნატოს, რომელიც შემდეგ ამ იარაღს უკრაინას გადასცემს და საფასურსაც ალიანსი იხდის.