პირველი ოპოზიციონერი პოლიტიკოსი, რომელიც პარლამენტის დროებით საგამოძიებო კომისიაზე გამოუცხადებლობის საქმეზე სასამართლომ დამნაშავედ ცნო კოალიცია ცვლილებისთვის ერთ-ერთი ლიდერი ზურაბ გირჩი ჯაფარიძეა. მას 7 თვით თავისუფლების აღკვეთა მიესაჯა, 2 წლის ვადით კი თანამდებობის დაკავება აეკრძალა. დღესვე იმავე საქმეზე სასამართლოს გადაწყვეტილებას გამოაცხადებს ლელო-ძლიერი საქართველოს ლიდერების მამუკა ხაზარაძისა და ბადრი ჯაფარიძის მიმართაც. როგორც ცნობილია, არცერთი მათგანი განაჩენის გამოცხადებას არ დაესწრება. პოლიტიკური დევნა თუ ობიექტური სასჯელი? საკითხის გარშემო მოსაზრებები ორად იყოფა.