რუსებმა უკრაინის ქალაქ ოდესას დრონებით შეუტიეს, რომლის დროსაც 10 დარტყმა განხორციელდა, რამაც ხანძარი გამოიწვია. ოდესის ოლქის პროკურატურის ინფორმაციით, ერთი ადამიანი დაიღუპა და 14 დაშავდა. საგანგებო სიტუაციების სამსახური იუწყება, რომ დაზიანდა 23-სართულიანი საცხოვრებელი შენობა. მრავალსართულიანი შენობიდან 600 ადამიანის ევაკუაცია განხორციელდა. ხანძარმა ასევე გაანადგურა 5 საცხოვრებელი შენობა და 3 ავტომობილი. შეტევამდე, ვოლოდიმირ ზელენსკიმ ვიდეომიმართვა გაავრცელა. მისი განცხადებით, სასურველია, უკრაინაში ომი აშშ-ის პრეზიდენტის, დონალდ ტრამპის ამჟამინდელი ვადის განმავლობაში დასრულდეს. ზელენსკის თქმით, უკრაინის მიმართ გლობალური სოლიდარობის ამჟამინდელი დონე და რუსეთზე გლობალური ზეწოლა საკმარისი არ არის და სანქციები „მნიშვნელოვნად“ უნდა გამკაცრდეს.