სასამართლომ თავდაცვის ყოფილ მინისტრს, ირაკლი ოქრუაშვილს აღკვეთის ღონისძიების სახით დაკისრებული 20 000 ლარიანი გირაო პატიმრობით შეუცვალა. ყოფილი მაღალჩინოსანი სხდომათა დარბაზშივე დააკავეს. „ქართული ოცნების“ ოპონენტების შეფასებით, მომხდარი სახიფათო პრეცენდენტია. მათი თქმით, ქვეყანაში პოლიტიკური რეპრესიები გრძელდება. ოპოზიციაში დაკავებულთა სიის გაზრდას არ გამორიცხავენ. საქმე ეხება ოქრუაშილის მიერ პარლამენტის დროებით საგამოძიებო კომისიასთან თანამშრომლობაზე უარს.