საქართველოს მთავრობა შტატგარეშე თანამშრომლების ანაზღაურებას წლიდან წალმდე ზრდის. როგორც ირკვევა, გასულ წელს ბიუჯეტიდან ამ მიზნით 592 მილიონ 558 ათასი ლარი დახარჯა. ეს კი 2023 წელთან შედარებით თითქმის 76.6 მლნ ლარით მეტია. აღსანიშნავია, რომ ბიუჯეტის შესრულების ანგარიშში არ არის მითითებული, თუ რამდენი შტატგარეშე თანამშრომელი მუშაობს სხვადასხვა სამინისტროში, სსიპ-სა თუ ააიპ-ში. შტატგარეშეებთან ერთად 2024 წელს გაიზარდა შტატიანი მოხელეების სახელფასო ფონდიც. გასულ წელს მათზე ჯამში 2 მილიარდ 590 მილიონი ლარის ხელფასები გაიცა, რაც წინა წელთან შედარებით 415 მლნ ლარით მეტია. ცნობისათვის, საქართველოს მთავრობა 2026 წლამდე საჯარო სამსახურში ხელფასების ყოველწლიურად 10%-ით გაზრდას გეგმავს.