აღსანიშნავია ისიც, რომ ტრამპის მიერ გამოცხადებული ტარიფების ფარგლებში საქართველოს, სომხეთისა და აზერბაიჯანის მიმართ საბაზისო 10%-იანი ტარიფი იმოქმედებს. რაც შეეხება ვადებს. საბაზისო 10%-იანი ტარიფები 5 აპრილს შევა ძალაში. მოდი ვნახოთ რას ვყიდით და ვყიდულობთ ამერიკის შეერთებულ შტატებში? მიმდინარე წელს ამერიკა საქართველოს ნომერ პირველი სავაჭრო პარტნიორია. კერძოდ, 2025 წლის იანვარ-თებერვალში ორ ქვეყანას შორის სავაჭრო ბრუნვამ 486 859 570 დოლარი შეადგინა. საქართველოს აშშ-სთან დეფიციტური ვაჭრობა აქვს, რაც იმას ნიშნავს, რომ გაცილებით მეტს ვყიდულობთ, ვიდრე ვყიდით. ასე მაგალითად, ამ ორი თვის განმავლობაში ამერიკიდან საქართველოში იმპორტირებულია 478 259 970 დოლარის პროდუქცია. საქართველოდან კი ექსპორტზე გავიდა 8 599 600 დოლარის საქონელი.
წელს პირველ ორ თვეში ყველაზე დიდი რაოდენობით საქართველოში წარმოებული ისეტ პროდუქცია გავიდა, როგორიცაა შავი ლითონის მილები, მილაკები და ღრუ პროფილები; საფრენი აპარატების ნაწილები;
ყურძნის ნატურალური ღვინოები; ხილისა და ბოსტნეულის წვენები; ასევე მინერალური და მტკნარი წყლები. რაც შეეხება იმპორტს, მიმდინარე წლის ორ თვეში, ყველაზე დიდი რაოდენობით ამერიკიდან სურათები, ნახატები და პასტელები შემოვიტანეთ. ასევე
მსუბუქი ავტომობილები; ქანდაკებების და სტატუეტები. როგორ აისახება ამერიკის ახალი სატარიფო ომი საქართველოდან პროდუქციის იმპორტზე, ამაზე განმართებას სწორედ იმ ადგილობრივი მწარმოებლებისგან ველოდებით, ვისაც პროდუქცია ამერიკის ბაზარზე გააქვს.