დონალდ ტრამპმა მთელ მსოფლიოს სატარიფო ომი გამოუცხადა. გადაწყვეტილემა ამერიკის პრეზიდენტმა თეთრი სახლის ვარდისფერ ბაღში გამოაცხადა. საზეიმო ვითარებაში აღნიშნა, რომ 2 აპრილი ამერიკის გათავისუფლების დღეა, რათა აწესებს გასული საუკუნიდან არნახულ ტარიფებს ამერიკაში შესულ იმპორტირებულ საქონელზე. ტრამპს მიაჩნია, რომ სავაჭრო ბარიერები აიძულებს მტრებსაც და მეგობრებსაც წავიდნენ მასთან როგორც ფინანსურ ისე ტეროტორიულ დათმობებზე. ტრამპის გადაწყვეტილებით, ჩინეთს დაუწესდება საპასუხო ტარიფი 34%-ის ოდენობით, 20%-იან ტარიფს მიიღებს ევროკავშირი, 24%-იანს იაპონია, ხოლო 26%-იანი ტარიფი წესდება ინდოეთის წინააღმდეგ. საერთო ჯამში ვერც ერთი ქვეყანა ვერ ასცდება გადასახადებს თუ კი სურს, რომ ამერიკელებმა მათგან პროდუქცია შეიძინონ. მინიმალური საბაზისო ტარიფი 10%-ის ფარგლებში იქნება. საერთო ტარიფი ძალაში 5 აპრილიდან შევა, ხოლო გაზრდილი ტარიფები უკვე 9 აპრილიდან ამოქმედდება. ჩინეთი აცხადებს, რომ მტკიცედ ეწინააღმდეგება შეერთებული შტატების მიერ გამოცხადებულ ახალ ტარიფებს და საპასუხო ზომებს მიიღებს საკუთარი უფლებებისა და ინტერესების დასაცავად. ევროკომისიის პრეზიდენტის თქმით, მოლაპარაკებების პარალელურად მზად არიან რეაგირებისთვის და უკვე ასრულებენ საპასუხო ზომების პირველ პაკეტს ფოლადზე დაწესებული ტარიფების საპასუხოდ. ტრამპს პასუხობს კანადაც. კანადის პრემიერ-მინისტრის, მარკ კარნის განცხადებით, ტრამპის მიერ გამოცხადებულ ტარიფებს მისი ქვეყანა საპასუხო ზომებით შეეწინააღმდეგება. იტალიის პრემიერ-მინისტრმა, ჯორჯია მელონიმ ტარიფებს "არასწორი" უწოდა და განაცხადა, რომ ამან შეიძლება სავაჭრო ომი გამოიწვიოს. თუმცა, რა თქმა უნდა ჯერ კიდევ არსებობს შანსი რომ ყველაფერი შეიცვალოს, რადგან ტრამპი აცხადებს, რომ მზადაა მოლაპარაკებებისთვის, ოღონდ ერთი წინაპირობით, ვისაც ახალი ამერიკული გადასახადები არ მოსწონს, ჯერ თავის ტარიფებს უნდა გადახედოს.