პარლამენტის სპიკერატში რიგით მეექვსე ვიცე-სპიკერი აირჩიეს - ვიცე-სპიკერის პოსტზე წარდგენილ ილია ინჯიას 84-მა დეპუტატმა დაუჭირა მხარი.
ინჯია ვიცე-სპიკერად პოლიტიკურმა ჯგუფმა “ევროპელი სოციალისტები“ წარადგინა. მან ვიცე-სპიკერის ის ადგილი დაიკავა, რომელიც პარლამენტის რეგლამენტის მიხედვით, საპარლამენტო ოპოზიციას ეკუთვნის.
XI მოწვევის პარლამენტის ვიცე-სპიკერები არიან: - პირველი ვიცე სპიკერია გია ვოლსკი, უმრავლესობის კვოტით არჩეული ვიცე სპიკერები - ნინო წილოსანი, თეა წულუკიანი, გიორგი კახიანი, ხოლო ოპოზიციას პარლამენტის სპიკერატში სოზარ სუბარი და ილია ინჯია წარმოადგენენ.