ომბუდსმენის აღნიშნულ განცხადებას მისივე აპარატის თანამშრომლების ნაწილი არ ეთანხმება. საქართველოს სახალხო დამცველის აპარატის 30-ზე მეტი თანამშრომელი აცხადებს, რომ პარლამენტის დეპუტატების უფლებამოსილების ცნობა ქვეყნის კონსტიტუციისა და პარლამენტის რეგლამენტის უგულებელყოფით მოხდა. აპარატის თანამშრომლების განცხადებას წინ უსწრებდა ომბუდსმენის, ლევან იოსელიანის კომენტარი - მან განაცხადა, რომ მე-11 მოწვევის პარლამენტი ლეგიტიმურად შეიკრიბა. აპარატის 30-ზე მეტი თანამშრომელი მიიჩნევს, რომ 25 ნოემბერს პარლამენტის პირველ სხდომაზე ლევან იოსელიანის მისვლით ზიანი ადგება ომბუდსმენის ინსტიტუტს.