უკრაინის პრეზიდენტმა, ვოლოდიმირ ზელენსკიმ ამერიკულ არხთან, „ფოქს ნიუსთან“ ინტერვიუში განაცხადა, რომ თუ დონალდ ტრამპი მმართველობის პერიოდში უკრაინისთვის სამხედრო დახმარებას შეამცირებს, ქვეყანა, სავარაუდოდ, ომს წააგებს. კითხვაზე, სჯერა თუ არა, რომ ტრამპს რუსეთის პრეზიდენტ ვლადიმერ პუტინზე გავლენის მოხდენა და ომის შეჩერება შეუძლია, ზელენსკიმ დადებითად უპასუხა, თუმცა გარკვეული დათქმებით. ვოლოდიმირ ზელენსკის თქმით, აშშ-ის პრეზიდენტი პუტინზე გაცილებით ძლიერია, აქვს ძალაუფლება, იარაღი და მას ენერგორესურსების ფასების შემცირება შეუძლია.