ფოთის 70-ე საოლქო საარჩევნო კომისისიის სხდომაზე 23 უბნის შედეგები შეაჯამეს. ჩატარებულ არჩევნებთან დაკავშირებით სხდომაზე შენიშვნები გამოთქვა ოპოზიციამ. მათი თქმით, კენჭისყრის პროცესი ფარულობის დარღვევისა და ზეწოლის ფონზე წარიმართა. საპირისპიროს ამტკიცებს 70-ე ფოთის საოლქო საარჩევნო კომისიის თავმჯდომარე. სალომე როდონაიას განცხადებით, ოცდასამივე უბნის შედეგები სრული წესის დაცვით შეჯამდა.