შეშფოთებული ვარ ხელმოწერილი კანონმდებლობით, რომელიც თავისუფლებას ზღუდავს და საქართველოს ევროპას აშორებს , - ამის შესახებ აშშ-ის სახელმწიფო მდივნის თანაშემწე ევროპისა და ევრაზიის საკითხებში, ჯეიმს ო’ბრაიენი პლატფორმა X-ზე წერს.
„შეერთებული შტატები ყოველთვის ხმას ამოიღებს ადამიანის უფლებებისა და ფუნდამენტური უფლებების დასაცავად ყველასთვის“, - წერს ჯეიმს ო’ბრაიენი.
შეგახსენებთ, 3 ოქტომბერს ე.წ. ლგბტ პროპაგანდის საწინააღმდეგო კანონპროექტს საქართველოს პარლამენტის თავმჯდომარემ, შალვა პაპუაშვილმა მოაწერა ხელი.