აშშ-ს მხრიდან საქართველოს ხელისუფლების მისამართით კრიტიკული განცხადებები არ წყდება. ხელისუფლების ოპონენტები დარწმუნებულები არიან , რომ ,,ქართული ოცნების" მმართველობის პირობებში საქართველოსა და აშშ-ს შორის ურთიერთობები დროთაგანმავლობაში გაუარესდება. ოპოზიციას ამის მოლოდინებს კონგრესმენების მიერ გაკეთებული განცხადებები და შტატების ბოლოდროინდელი გადაწყვეტილებები უჩენს. თუმცა განსხვავებული მოსაზრება აქვთ მმართველ გუნდში. ქართულ ოცნებაში ფიქრობენ რომ უახლოეს პერიოდში ამერიკასა და საქართველოს შორის ურთიერთობები ნორმის ფარგლებს დაუბრუნდება.