სპეციალურმა საგამოძიებო სამსახურმა, „მთავარი არხის“ ჟურნალისტსა და ოპერატორზე ძალადობის ფაქტზე ორი პირი დააკავა. გამოძიებით დადგინდა, რომ 2024 წლის 25 ივლისს, ტელეკომპანია „მთავარი არხის“ ჟურნალისტი ვლადიმერ მენაბდე და ოპერატორი მანუჩარ მჟავანაძე ლანჩხუთის მუნიციპალიტეტ სოფელ სუფსაში, ჟურნალისტურ საქმიანობას ახორციელებდნენ. რეპორტაჟზე მუშაობის დროს, ბრალდებულმა მათ სიტყვიერი და ფიზიკური შეურაცხყოფა მიაყენა. ამავე დროს ჟურნალისტს ფიზიკური შეურაცხყოფა მიაყენა ბრალდებულის ძმამ. დანაშაული სამ წლამდე თავისუფლების აღკვეთას ითვალისწინებს.