ევროკავშირის წარმომადგენლობა ავრცელებს ინფორმაციას იმ დახმარების შესახებ, რომელიც 2019-დან 2024 წლის ჩათვლით სამინისტროებმა და არასამთავრობო ორგანიზაციებმა მიიღეს. ევროკავშირის წარმომადგენლობის განცხადებით, სამინისტროებისთვის გამოყოფილი დაფინანსება სამოქალაქო საზოგადოების ორგანიზაციებისთვის გამოყოფილ თანხებს 11-ჯერ აღემატება. ევროკავშირის წარმომადგენლობის ინფორმაციით, ბოლო 5 წელიწადში საქართველოს სამინისტროებისა და სხვა სახელმწიფო ინსტიტუტების მიერ მიღებული ევროკავშირის დაფინანსება 517 მილიონ ევროს შეადგენდა, მაშინ როცა სამოქალაქო საზოგადოების ორგანიზაციებისთვის გამოყოფილი თანხა- 46 მილიონ ევროა.