დედაქალაქში მუსიკალური ფესტივალი TBILISI OPEN AIR 2024 დაიწყო. დღეს ფესტივალის მეორე დღეა, დასკვნითი ღონისძიება კი ხვალ გაიმართება. მუსიკალური ფესტივალი ლისის ტბის მიმდებარედ, Lisi Wonderland-ში მიმდინარეობს, სადაც ოთხი სცენაა მოწყობილი და მსმენელის წინაშე 60-ზე მეტი არტისტი წარდგება. ბილეთების შეძენა შესაძლებელია როგორც ონლაინ, ისე ადგილზე შესასვლელთან მდებარე სალაროში. მუსიკალური ღონისძიება Tbilisi Open Air 2009 წელს Altervision Group-ის ინიციატივით დაარსდა.