ტოკიოს ცენტრალურ იოიოგის პარკში, ქართული ღვინის მასშტაბური ფესტივალი, იაპონიაში საქართველოს დღეების ფარგლებში გაიმართა. ორდღიან ფესტივალზე, იაპონიის ბაზარზე ქართული ღვინის იმპორტიორებმა, ქართული ღვინის 9 კომპანიის 12-ზე მეტი დასახელების ქართული ღვინო წარადგინეს.
საქართველოს კულტურისა და სპორტის სამინისტროს ინიციატივითა და ორგანიზებით, ასევე, საქართველოს საგარეო საქმეთა სამინისტროს მხარდაჭერით, „საქართველოს დღეები იაპონიაში“ პირველად გაიმართა.
აღსანიშნავია, რომ იაპონია ქართული ღვინის ერთ-ერთი სტრატეგიული საექსპორტო ბაზარია. ღვინის ეროვნული სააგენტოს მხარდაჭერით, იაპონურ ბაზარზე ქართული ღვინის პირველი მასშტაბური წარდგენა 2014 წელს მოხდა.