ლიეტუვის ელჩმა ინტერპრესნიუსთან საქართველოს შესახებ ისაუბრა. ანდრიუს კალინდრამ განაცხადა, რომ ევროკავშირის საგარეო საქმეთა საბჭომ მაისის ბოლოს საქართველოში არსებული ვითარება უკვე განიხილა. მისივე თქმით, ივნისში საგარეო საქმეთა საბჭოს სხვა მიმართვა ექნება. ელჩმა აღნიშნა, რომ "უცხოური გავლენის გამჭვირვალობის შესახებ" კანონი საქართველოსთვის "სრულიად არასაჭიროა" და ისიც განმარტა, რომ "თუ საქართველო ევროკავშირში გაწევრიანებას აპირებს, ევროკავშირის წევრობა კონსენსუსის კულტურას მოიცავს. რაც შეეხება საქართველოს ხელისუფლების წარმომადგენლების განცხადებებს, რომ საქართველო ევროკავშირისა და „ნატოს“ კართან მოცდით იჩაგრება და „ორპირ ქარში დგომით“ დაიღალა, დიპლომატმა განაცხადა, რომ ამ შეფასებებს რამდენიმე წლის წინ გაიგებდა, თუმცა ბოლო 4 წლის განმავლობაში ევროკავშირის დედაქალაქებში დიდი ტრანსფორმაცია მოხდა და საქართველოს აქვს რეალური შანსი, რომ 2030 წელს ევროკავშირის წევრი სახელმწიფო გახდეს.