პრემიერ-მინისტრ ბენიამინ ნეთანიაჰუს გადადგომის მოთხოვნით ისრაელის ქუჩებში ათასობით მომიტინგე გამოვიდა. მედიის ინფორმაციით, იერუსალიმში პოლიციამ აქციის მონაწილეების დასაშლელად, რომლებმაც ბეგინის ბულვარი, ქალაქის მთავარი ჩრდილოეთ-სამხრეთის გზატკეცილი გადაკეტეს, წყლის ჭავლი გამოიყენა. დემონსტრანტები ნეთანიაჰუს გადადგომისა და ვადამდელი არჩევნების დანიშვნის გარდა ღაზას სექტორში დარჩენილი 134 ისრაელელი მძევლის გასათავისუფლებლად შეთანხმების დაუყოვნრბლივ გაფორმებას მოითხოვდნენ. მძევლების ოჯახები და მეგობრები, ისევე როგორც მომიტინგეები შიშობენ, რომ რაც უფრო დიდხანს გაგრძელდება ომი შეთანხმების გარეშე, კიდევ მით მეტი მძევალი დაიღუპება.