ეკვადორის პრეზიდენტმა, დანიელ ნობოამ განაცხადა, რომ მისი ქვეყანა ომშია ნარკოტიკებით ვაჭრობაში ჩართულ კრიმინალურ დაჯგუფებებთან, რომლებსაც ციხის პერსონალის 130-ზე მეტი წევრი მძევლად ჰყავთ აყვანილი. დანიელ ნობოას თქმით, ქვეყანაში კრიმინალური დაჯგუფებების დაახლოებით 20 000 წევრი მოქმედებს. 9 იანვარს, ეკვადორში ციხიდან დანაშაულებრივი დაჯგუფების ლიდერი ადოლფო მასიას ვილიამარი, მეტსახელად ფიტო გაუჩინარდა, რომელიც პრეზიდენტობის კანდიდატის მკვლელობაშია ეჭვმიტანილი. ქვეყანაში 2-თვიანი საგანგებო მდგომარეობა გამოცხადდა.