თბილისის საქალაქო სასამართლოში 7 ნოემბრის საქმეზე საქართველოს ყოფილი პრეზიდენტის, მიხეილ სააკაშვილის და მასთან ერთად ბრალდებული ყოფილი მაღალჩინოსნების სასამართლო პროცესი მიმდინარეობს. პროცესს კლინიკა „ვივამედიდან“ დისტანციურად დაესწრო პატიმარი სააკაშვილი. მან ყურადღება გაამახვილა ევროინტეგრაციაზე და ახალი ინიციატივით მიმართა ნაციონალური მოძრაობის მხარდამჭერებს. პარალელურად კი, სასამართლოსთან პარტიის ორგანიზებით აქცია გაიმართა.