მობილური ცნობილი ამერიკელი მწერლის , სტივენ კინგის საშინელებათა ჟანრის რომანია. წიგნის ორიგინალი 2006 წელს გამომცემლობა Scribner-ის მიერ ინგლისურ ენაზე გამოიცა.წიგნის მთავარი გმირი ახალგაზრდა ,კომიქსების მხატვარი კლეიტონ რიდლია , რომელიც თვითმხილველი ხდება უცნაური და ამავდროულად საზარელი მოვლენისა რა დროსაც მობილურ ტელეფონზე მოსაუბრე ადამიანები მოულოდნელად ჭკუიდან იშლებიან და თავს ესხმიან ირგვლივ მყოფებს.მალევე ბოსტონის ქუჩები გაივსება დესტრუქციული ,იმპულსით ზომბირებული, სისხლს მოწყურებული არსებებისგან , რომლებიც ყველასა და ყველაფერს ანადგურებენ რაც გზაზე გადაეღობებათ. არც ისე ბევრი ადამიანი აღმოჩნდება იმ იღბლიანთა რიცხვში, რომელთაც ამ კატასტროფის დროს მობილურები არ აქვთ , სანაცვლოდ კი ისინი საღ გონებაზე რჩებიან. კლაიტონ რიდელი, კლერკი, გოგონა, მოხუცი მეცნიერი და მისი მოწაფე ბედისწერის ნებით შეხვდებიან ერთმანეთს და ერთიანი ძალებით ეცდებიან გაარკვიონ რა დაემართათ ადამიანებს და როგორ გადაურჩნენ ამ საშინელ მოვლენას.
__________________________________________________________________
სტივენ კინგი პორტლენდში, მეინის შტატში, 1947 წლის 21 სექტემბერს დონალდ ედვინ კინგისა და ნელი რუთ პილსბურის ოჯახში დაიბადა. მწერლის კარიერა 1959 წელს დაიწყო, როდესაც უფროს ძმასთან ერთად , ადგილობრივი, საქალაქო გაზეთის გამოცემა დაიწყო. 1960 წელს მან 18 მოთხრობისგან შემდგარი კრებული გამოუშვა სახელწოდებით „ხალხი, ადგილები და რამეები—ტომ!“ .ერთი წლის თავზე გამოიცა წიგნის მეორე ნაწილი „ვარსკვლავური დამპყრობნი“.
მწერალს გაყიდული აქვს მისი წიგნების 350 მლნ-ზე მეტი ეგზემპლარი და კარგად ცნობილია საშინელებათა ლიტერატურის ჟანრში, რომელშიც ჟანრის ისტორიის საფუძვლიანი ცოდნით გამოირჩევა. მას ასევე დაწერილი აქვს არაერთი სასცენო ტექსტი როგორც ფანტასტიკის, ასევე არაფანტასტიკურ ჟანრში.კინგი ასევე ავტორია ტელესცენარებისა, მათ შორის, კომიკურ ჟანრში.
წიგნის მიხედვით 2016 წელს ტელეეკრანებზე გამოვიდა ამავე სახელწოდების ფილმი , სადაც წარმოდგენილი არიან ისეთი ცნობილი მსახიობები როგორებიც არაინ ჯონ კიუსაკი , სამუელ ელ ჯექსონი და სხვები.
__________________________________________________________________
წიგნი ქართულ ენაზე ითარგმნა და გამოიცა 2018 წელს გამომცემლობა პალიტრა ელის მიერ და ამ დროიდან ხელმისაწვდომია ბიბლუსის მაღაზიათა ქსელსა და პალიტრა ელის ვებგვერდზე , პალიტრა ელ წერტილი ჯი