ოკუპანტების მიერ ჩადენილ მკვლელობასა და გატაცებას ხელისუფლებისა და ოპოზიციის წარმომადგენლები გამოეხმაურნენ. აღნიშნულ ფაქტზე განცხადება მთავრობის მეთაურმა და საგარეო საქმეთა მინისტრმა გაავრცელეს. ირაკლი ღარიბაშვილის შეფასებით, აღნიშნული ფაქტი კიდევ ერთხელ ადასტურებს ადგილზე არსებულ რთულ ვითარებას და რუსული ოკუპაციის მძიმე შედეგებზე მეტყველებს. ოპოზიციაში კი ამ ტრაგედიაზე პასუხისმგებლობას მთავრობას აკისრებენ. ხელისუფლების ოპონენტები აცხადებენ, რომ სახელმწიფოს უმოქმედობამ რუსი ოკუპანტები წაახალისა.