უკრაინაში რუსეთის სამხედრო აგრესია გრძელდება. უკრაინის გენშტაბის ცნობით, რუსეთმა ღამით შაჰედის ტიპის 36 დრონი გამოიყენა და მათგან 26-ი უკრაინამ ჩამოაგდო. უკრაინელმა ჯარისკაცებმა ბახმუტის მიმართულებით, დონეცკის ოლქში მტრის ოთხი თავდასხმა მოიგერიეს. ამასთან, როგორც უკრაინის გენშტაბში აღნიშნავენ, უკრაინელებს ნაწილობრივი წარმატება აქვთ დონეცკის რეგიონის ანდრეევკას დასახლებაში. გარდა ამისა, უკრაინელები მელიტოპოლის მიმართულებითაც აგრძელებენ წინსვლას და ოკუპანტებს მნიშვნელოვან ზიანს აყენებენ.