ნიდერლანდების სანაპიროსთან ახლოს სატვირთო გემს ხანძარი გაუჩნდა. ხანძრის გაჩენის მომენტში გემს 3 000-ზე მეტი ავტომობილი გადაჰქონდა. შემთხვევას ერთი ადამიანი ემსხვერპლა, რამდენიმე კი დაშავდა. იქიდან გამომდინარე, რომ წყლის ჭავლის დიდმა ნაკადმა შესაძლოა გემის ჩაძირვა გამოიწვიოს, სამაშველო ჯგუფები შეფერხებით მუშაობენ. მათი თქმით, გემზე ხანძრის სრულ ლიკვიდაციას რამდენიმე დღე დასჭირდება. გემი პანამაში იყო დარეგისტრირებული, მას ტვირთი გერმანიიდან ეგვიპტეში გადაჰქონდა. ამ დროისთვის ხანძრის გამომწვევი მიზეზი უცნობია.