ეროვნული თავდაცვის აკადემიაში თავდაცვის ინსტიტუციური აღმშენებლობის სკოლის შემეცნებითი სალექციო კურსის დახურვის ცერემონიალი გაიმართა. ერთთვიან კურსში, რომელიც ეროვნული უსაფრთხოებისა და საქართველოს სამხედრო ისტორიის საკითხების საბაზისო ცოდნის გაზიარებას მოიცავდა, ახალგაზრდული და საზოგადოებრივი ორგანიზაციების წევრები მონაწილეობდნენ. კურსდამთავრებულებს სერტიფიკატები და სამახსოვრო საჩუქრები გადაეცათ.