უკრაინის შეიარაღებული ძალების გენერალური შტაბის განცხადებით, უკრაინის თავდაცვის ძალების ავიაციამ, გასული დღე-ღამის განმავლობაში, მოწინააღმდეგის პირადი შემადგენლობის კონცენტრაციის ტერიტორიებს 6 დარტყმა მიაყენა.
გენშტაბის ცნობით, წარმატებით იმოქმედა უკრაინელმა არტილერისტებმაც და გასული დღე-ღამის განმავლობაში რუსული ძალების მართვის პუნქტი და საცეცხლე პოზიციებზე მყოფი 12 საარტილერიო ქვედანაყოფი გაანადგურეს.
გენერალური შტაბის ცნობით, გასული დღის განმავლობაში რუსულმა ძალებმა უკრაინის ტერიტორიაზე 45 საჰაერო დარტყმა განახორციელეს.
ამასთან, გენშტაბის ცნობით, უკრაინის თავდაცვის ძალებსა და რუსეთის შეიარაღებულ ძალებს შორის, სამი მიმართულებით, ლიმანის, ბახმუტისა და მარინკას მიმართულებებით, დღის განმავლობაში 38 საბრძოლო შეტაკება მოხდა.