პერსონალური მონაცემების დაცვაზე ძალიან ბევრს ვსაუბრობთ — როგორც საზოგადოების რიგითი წევრები, ისე დიდი ბრენდები. ამ კუთხით ცნობიერების ასამაღლებლად კი არაერთი ინიციატივით გამოსულან კომპანიები. ახლა კი Apple-მა თავისი ყურადღება იმ თემისკენ მიმართა, რომელზეც ნაკლებად ვფიქრობთ ხოლმე… საუბარია ჯანმრთელობასთან დაკავშირებულ მონაცემებზე.
რეკლამის სიუჟეტი საავადმყოფოს მოსაცდელ ოთახში ვითარდება, სადაც პაციენტების პირადი ჯანმრთელობის სირთულეები სააშკარაოზე გამოდის — ყველასთვის ცნობილი ხდება, ვის რა აწუხებს. ეს სიმბოლურად მიანიშნებს იმაზე, რომ მომხმარებლებმა მეტისმეტად ბევრი ინფორმაცია გაუზიარეს ჯანმრთელობის აპლიკაციებს.
ხოლო ერთადერთი ადამიანი, რომელსაც პირადი მონაცემების გაჟონვა არ აწუხებს, Apple Health app-ის მომხმარებელია. ასე ვიდეო ხაზს უსვამს ჯანმრთელობის აპლიკაციის დაპირებას, რომ დაიცავს მომხმარებლების ჯანმრთელობის პირად ინფორმაციას…