2024 წლის ევროპის ჩემპიონატზე, საქართველოს ხელბურთელთა ნაკრების მეტოქეები ცნობილია. გუშინ, გერმანიის ქალაქ მანჰეიმში ტურნირის კენჭისყრა გაიმართა, სადაც ჩვენი გუნდის მეტოქეები და კალენდარი გაირკვა.ტიტე კალანდაძის გუნდი E ჯგუფში იასპარეზებს, სადაც ასევე იქნებიან შვედეთის, ნიდერლანდებისა და ბოსნია-ჰერცეგოვინას ნაკრებები.
საქართველოს ნაკრები პირველ შეხვედრას 11 იანვარს, ნიდერლანდებთან გამართავს. 13 იანვარს ქართველი ხელბურთელები შვედეთის ეროვნულ გუნდს დაუპირისპირდებიან, ჯგუფური ეტაპის ბოლო შეხვედრას კი 15 იანვარს, ბოსნია-ჰერცეგოვინასთან გამართავენ.
შეგახსენებთ, რომ საქართველოს ხელბურთელთა ნაკრებმა ევროპირველობაზე ასპარეზობის უფლება 30 აპრილს, უნგრეთის ნაკრებთან სენსაციური გამარჯვების შედეგად მოიპოვა.