„ნაციონალური მოძრაობა“ დღეს ზუგდიდში აქციას გამართავს. პარტიის წევრები და მხარდამჭერები სკეიტპარკის მიმდებარე ტერიტორიაზე 15:00 საათზე, შეიკრიბებიან. აქციის ორგანიზატორების თქმით, ეს იქნება მოსამზადებელი აქცია 9 აპრილს თბილისში დაგეგმილი დემონსტრაციისთვის. ისინი კიდევ ერთხელ მოითხოვენ ევროკომისიის 12 პუნქტის შესრულებას და მიხეილ სააკაშვილის უცხოეთში სამკურნალოდ გადაყვანას.