კინომოყვარულების და კინოინდუსტრიის მოყვარულებისთვის წლის მთავარი მოვლენა ოსკარის“ 95-ე დაჯილდოების ცერემონია გაიმართა და ამერიკის კინოაკადემიამ ოსკარი 2023-ის გამარჯვებულები დაასახელა.
საუკეთესო ფილმად Everything Everywhere All at Once დასახელდა, რომელმაც 11 ნომინაციიდან 7 ოსკარი მოიპოვა. 2023 წლის ოსკარის ერთ-ერთი მთავარი ჯილდო დენიელ კვონსა და დენიელ შეინერტს გადაეცათ.
წყვილმა საუკეთესო რეჟისორის კატეგორიაში, ფილმ Everything Ewerywhere All at Once-ისთვის გაიმარჯვა. Everything Ewerywhere All at Once კვონისა და შეინერტის რიგით მეორე სრულმეტრაჟიანი ფილმია, რომელიც 2022 წლის სენსაცია გახდა და ათობით ჯილდო მოიპოვა.
„საუკეთესო რაც შეგვიძლია გავაკეთოთ ერთმანეთზე ზრუნვა და დაცვაა, ამ შეშლილი და ქაოტური სამყაროსგან, მადლობას ვუხდი ისტორიის მთხრობელებს, რომლებმაც ეს ჩემთვის გააკეთეს, მსოფლიო სწრაფად იცვლება და ჩვენი ისტორიები ვერ ეწევა, მაგრამ მჯერა ამ ჩვენი ისოტიების რომლებმაც პირადად ჩემი ცხოვრება შეცვალა, მადლობა ყველას“.
ამავე ფილმში მთავარი როლის შესრულებისთვის საუკეთესო მსახიობი ქალის კატეგორიაში გამარჯვებული მიშელ იეო გახდა.
მსახიობმა სახელი აზიურ მძაფრსიუჟეტიან ფილმებში თამაშით გაითქვა.. წარმოშობით ჩინელმა, მალაიზიელმა მსახიობმა ჯილდო ფილმ Everything Everywhere All At Once-ში შესრულებული მთავარი როლისთვის მიიღო.
„ მადლობა თქვენ, ეს არის იმედის შუქურა და შესაძლებლობა პატარა გოგოებისა და ბიჭებისათვის, რომლებიც ახლა გვიყურებენ ამით მტკიცდება რომ ოცნებები ხდება, არასდროს დანებდეთ. ეს ჯილდო მინდა მივუძღვნა. ყველა დედას მსოფლიოში, რადგან ისისნი სუპერ გმირები არიან. დედაჩემი 84 წლისაა და ახლა სახლიდან მალაიზიიდან მიყურებს, მეგობრებთან და ჩემს ოჯახთან ერთად, მიყვარხართ, ეს ჯილდო თქვენთან მომაქვს.“
იმავე კატეგორიაში იყვნენ ნომინირებულნი ქეით ბლანშეტი და მიშელ უილიამსი. 60 წლის მსახიობმა მიშელ იომ ჰოლივუდის ვარსკვლავ ქეით ბლანშეტს აჯობა, თუმცა ბევრი ელოდა რომ ამ ჯილდოს სწორედ ბლანშეტს გადასცემდნენ.
მუმიის ვარსკვლავმა ბრენდან ფრეიზერმა მრავალწლიანი პაუზის შემდეგ დარენ არონოფსკის ახალ ფილმში „ვეშაპი“ მთავარი როლი შეასრულა. სწორედ ამიტომ 2023 წლის „ოსკარი“, „საუკეთესო მსახიობი კაცის“ კატეგორიაში მას გადაეცა.. ბრენდანს ფილმისთვის ვიზუალის შეცვალც მოუწია და ფილმმა საუკეთესო გრიმი და ვარცხნილობის კატეგორიაშიც გაიმარჯვა. მსახიობმა პირველი ოსკარის ჯილდოს მიღების შემდეგ, ემოციები ვერ შეიკავა და ბედნიერებისგან ატირდა. ეს გახლავთ ფილმი ჭარბი წონის მქონე ინგლისური ენის მასწავლებელზე, რომელიც თავის გაუცხოებულ თინეიჯერ შვილთან, საერთო ენის მოძებნას ცდილობს.
„ამ სფეროში 30 წლის წინ მოვედი, ადვილი არ ყოფილა ჩემთვის არ ვაფასებდი, ახლა მინდა მადლობა გადაგიხადოთ ამ აღიარებისთვის, რომელსაც ვერ მივაღწევდი ჩემი კოლეგების გარეშე. ეს ჩემთვის ძალიან ძვირფასია მადლობა!“
ცნობისთვის, ამავე კატეგორიაში ოსკარისთვის იბრძოდნენ კოლინ ფარელი და ოსტინ ბატლერი.
საუკეთესო დოკუმენტური ფილმის კატეგორიაში რუსი ოპოზიციონერის, ალექსეი ნავალნის შესახებ გადაღებული დოკუმენტური ნამუშევარი Navalny გახდა.
კომპანია HBO-ს მიერ გადაღებული ფილმი ნავალნის მოწამლვისა და შემდგომი დაპატიმრების შესახებ მოგვითხრობს.
ფილმის ავტორებთან ერთად სცენაზე ავიდა რუსი ოპოზიციონერი ლიდერის ცოლი იულია ნავალნაია, რომელმაც სიტყვით მიმართა მაყურებელს და მაყურებლებს სიტყვით მიმართა:
"ჩემი ქმარი ციხეში სიმართლის თქმის გამო ზის. ჩემი ქმარი ციხეშია, იმიტომ რომ დემოკრატიას იცავს. ალექსი შევნატრი იმ დღეს, როდესაც შენ იქნები გათავისუფალი და ქვეყანაც იქნება თავისუფალი - გამაგრდი ჩემო სიყვარულო". განაცხადა ნავალნაიამ.
საუკეთესო ანიმაციის კატეგორიაში გაიმარჯვა ოსკარის მფლობელი რეჟისორი გილერმო დელ ტოროს მიერ გადაღებულმა „პინოქიომ“ .
საუკეთესო ვიზუალური ეფექტებისთვის "ოსკარი" გადეცა ფილმს "ავატარი. წყლის გზა".
დოლბის თეატრში ოსკარის რიგით 95-ე დაჯილდოებაზე, ყოველთვის ექსტრავაგანტული ლედი გაგა ჩვენდა გასაკვირად უმაკიაჟოდ, ჯინსებით და უბრალო მაისურით გამოვიდა, მუსიკაც მხოლოდ ფორტეპიანოს ფონზე დაიწყო სადაც გაგას ხმა კიდევ უფრო, ახლო და ემოციური იყო.
ლედი გაგამ "Hold My Hand" ბლოკბასტერის Top Gun: Maverick-ის საუნდრეკი შეასრულა.
2023 წლის ოსკარის დაჯილდოებაზე ორსული რიანას Lift Me Up-ის ცოცხალი შესრულებავიხილეთ, ეს არის პირველი სიმღერა რომელიც რიანა 6 წლიანი მუსიკალური პაუზის შემდეგ სცენაზე დააბრუნა
„ოსკარებით“ დაჯილდოების ცერემონია ტელეეთერში პირველად 1953 წელს გადაიცა. დღეს პირდაპირი ტრანსლაცია უკვე მსოფლიოს 200-ზე მეტ ქვეყანაში ხდება. „ოსკარები“ არის შოუ-ბიზნეზში უძველესი დაჯილდოების ცერემონია. რომელიც წელს 95-ედ გაიმართა.