ინდოეთი დღეს და ხვალ „დიდი ოცეულის“ საგარეო საქმეთა მინისტრების შეხვედრას უმასპინძლებს, რომელსაც სერგეი ლავროვიც დაესწრება - Palitra News

ინდოეთი დღეს და ხვალ „დიდი ოცეულის“ საგარეო საქმეთა მინისტრების შეხვედრას უმასპინძლებს, რომელსაც სერგეი ლავროვიც დაესწრება

2023-03-01 09:09:35+04:00

ინდოეთის დედაქალაქ ნიუ-დელიში 1-2 მარტს „დიდი ოცეულის“ საგარეო საქმეთა მინისტრების შეხვედრა გაიმართება.

მედიის ინფორმაციით, შეხვედრაზე მთავარი განსახილველი საკითხები რუსეთის ომი და აშშ-სა და ჩინეთს შორის არსებული დაძაბულობა იქნება.

შეხვედრაზე დასასწრებად ნიუ-დელიში რუსეთის საგარეო საქმეთა მინისტრი, სერგეი ლავროვიც ჩავიდა.

„დიდი ოცეულის“ შეხვედრას დაესწრებიან აშშ -ის სახელმწიფო მდივანი, ენტონი ბლინკენი, გაერთიანებული სამეფოს საგარეო უწყების ხელმძღვანელი, ჯეიმზ კლევერლი, ჩინეთის საგარეო მინისტრი, ცინ განი და სხვა. საერთო ჯამში, ნიუ-დელის შეხვედრას დაესწრებიან 40 ქვეყნის წარმომადგენლები, მათ შორის „დიდი ოცეულის“ არაწევრი ქვეყნების წარმომადგენლები, რომლებიც მასპინძელმა ქვეყანამ, ინდოეთმა მიიწვია.