ქვეყნის ბიუჯეტის დეფიციტი 2.8 პროცენტს შეადგენს, ხოლო ეკონომიკური ზრდა 10 პროცენტამდეა გაზრდილი. როგორც პრემიერ-მინისტრმა ირაკლი ღარიბაშვილმა ეროვნული ბანკის პრეზიდენტის კობა გვენეტაძის საქმიანობის შემაჯამებელ ღონისძიებაზე განაცხადა, ქვეყნის საგარეო ვალი წინა წლებთან შედარებით შემცირებულია. კობა გვენეტაძის 7 წლიანი საქმიანობის შემაჯამებელ ღონისძიებაზე აშშ-ის ელჩი კელი დეგნანიც იმყოფებოდა, რომელმაც ეროვნული ბანკის მუშაობა დადებითად შეაფასა და განაცხადა, რომ მისთვის გაუგებელია რატომ გახდა საჭირო ეროვნულ ბანკში პირველი ვიცე-პრეზიდენტის თანამდებობის დამატება.