იტალიის პრემიერ-მინისტრი, ჯორჯია მელონი უკრაინაში გაემგზავრა, სადაც ქვეყნის პრეზიდენტს, ვოლოდიმირ ზელენსკის შეხვდება. მელონის ოფისში, უსაფრთხოების მიზეზების გამო, ვიზიტის შესახებ დეტალებს არ ახმაურებენ.
დასავლური მედია წერს, რომ იტალიის პრემიერ-მინისტრის უკრაინაში ჩასვლა განიხილება, როგორც მისი ერთ-ერთი ყველაზე მნიშვნელოვანი ვიზიტი ხელისუფლებაში მოსვლის შემდეგ, იმ ფონზე, როდესაც მისი კოალიციური პარტიის ლიდერმა სილვიო ბერლუსკონიმ უკრაინაში რუსეთის შეჭრაში უკრაინის პრეზიდენტი, ვოლოდიმირ ზელენსკი დაადანაშაულა.