"ანიჰილაცია" - ამერიკელი მწერლისა და ლიტერატურული კრიტიკოსის ჯეფ ვანდერმირის ფანტასტიკური ჟანრის რომანია. წიგნი 2014 წელს გამომცემლობა Farrar, Straus and Giroux-ის მიერ ინგლისურ ენაზე გამოიცა.
წიგნში აღწერილია ოთხი ქალისაგან შემდგარი ჯგუფი, რომლებიც მიემგზავრებიან ზონაში, რომელიც X - არეალის სახელითაა ცნობილი.ეს არის ადგილი რომელიც ქვეყნიერებისგან მოწყვეტილი, მკვდარი და უსიცოცხლოა, მიწა, რომელზეც ერთ დროს ცივილიზაცია ხარობდა, მაგრამ ბუნებამ მიიტაცა. მის შესასწავლად უკვე მე-12 ექსპედიცია მიემგზავრება, წინა მცდელობები უშედეგოდ და ზოგ შემთხვევაში ტრაგიკულად დასრულდა. ახალი ექსპედიციის წევრებს აქვთ ამოცანა ამოხსნან X-არეალის საიდუმლო, გარკვიონ თუ როგორ ააცილონ კაცობრიობას მისგან მომდინარე საფრთხე, ამისთვის კი მათ უნდა დააგროვონ საჭირო ინფორმაცია და რაც მთავარია გამოაღწიონ ცოცხლებმა ადგილიდან, რომელმაც სხვა ექსპედიციის წევრების დიდი ნაწილი შეიწირა.
ჯეფ ვანდერმირს „თანამედროვე ამერიკის ფანტასტიკური ლიტერატურის ერთ-ერთი ყველაზე გამორჩეული წარმომადგენელი. მიუხედავად იმისა, რომ მწერლის ნაწარმოებები ტრადიციულ ჟანრულ კლასიფიკაციას არ ესადაგება, ვენდერმირის შემოქმედებაში ჭარბობს პოსტმოდერნისტული, ეკოფიქციისა და პოსტაპოკალიფსური ფიქციის ჟანრის ელემენტები.
მწერალი 1968 წელს ბელეფონტეში, პენსილვანიის შტატში დაიბადა. ბავშვობის დიდი ნაწილი მან ფიჯის კუნძულებზე გაატარა, სადაც მისი მშობლები მუშაობნენ.წიგნის ავტორმა წერა ჯერ კიდევ 80-იანი წლების ბოლოს დაიწყო, როდესაც ჯერ კიდევ საშუალო სკოლაში სწავლობდა და სწრაფად გახდა მცირე პრესის ჟურნალების ნაყოფიერი კონტრიბუტორი. ამ დროის განმავლობაში ვანდერმერმა დაწერა მრავალი საშინელებათა და ფანტასტიკური მოთხრობა. თუმცა ცნობადობა მან ტრილოგიით სამხრეთის ზღვარი მოიპოვა, რომელიც ბესტსელერი გახდა. ტრილოგიის პირველი რომანისთვის „ანიჰილაცია“ კი ავტორმა 2014 წელს ნებულასა და შირლი ჯექსონის პრემიები დაიმსახურა.
წიგნის მიხედვით 2018 წელს ტელლეკრანებზე გამოვიდა მხატვრული ფილმი უცვლელი სახელწოდებით, რომელშიც მთავარ როლს ცნობილი ამერიკელი მსახიობი, ნატალი პორტმანი ასრულებს.
წიგნი ქართულ ენაზე ითარგმნა და გამოიცა 2019 წელს გამომცემლობა "პალიტრა ელის" მიერ და ამ დროიდან ხელმისაწვდომია "ბიბლუსის" მაღაზიათა ქსელსა და პალიტრა ელის ვებგვერდზე Palitral.ge