რუსეთმა მის მიერ გამოცხადებული „საშობაო ზავი“ დაარღვია. უკრაინის შეიარაღებული ძალების გენერალური შტაბის ცნობით, გასული დღის განმავლობაში, მოწინააღმდეგის თავდასხმები 14 დასახლებულ პუნქტთან მოიგერიეს. რუსულმა ძალებმა მრავალჯერადი სარაკეტო სისტემებიდან 20 დარტყმა განახორციელეს. გენერალური შტაბის განმარტებით, მოწინააღმდეგის ძირითადი ძალისხმევა კონცენტრირებულია დონეცკის ოლქის სრულად აღების მცდელობებზე. რუსული ძალები აგრძელებენ შეტევით ოპერაციებს ბახმუტის მიმართულებითაც.