საქართველოდან უკრაინაში 25 ერთეული მაღალი სიმძლავრის გენერატორი გაიგზავნა, რომელიც პრემიერ-მინისტრის, ირაკლი ღარიბაშვილის დავალებით, ეკონომიკის სამინისტრომ შეიძინა. ეს არის 1,5 მლნ ლარის ღირებულების სამრეწველო დანიშნულების გენერატორები, რომელთა საშუალებით შესაძლებელია საგანგებო რეჟიმში იმუშაოს საავადმყოფოებმა, კვების ობიექტებმა და სხვა კრიტიკული დანიშნულების ობიექტებმა.