ბათუმის საკრებულოს ოპოზიციონერი წევრები აცხადებენ, რომ ბათუმის მერიის თანამდებობის პირების თანამდებობრივი სარგოს გაზრდას მხარს არ უჭერენ. ოპოზიციის წევრები ამ საკითხის საკრებულოს დღის წესრიგიდან ამოღებას ითხოვენ. მათ მიაჩნიათ, ბათუმში მძიმე სოციალური მდგომარეობაა და ხელფასების ზრდის დრო არ არის.
ბათუმის საკრებულო, მუნიციპალიტეტის 2022 წლის ბიუჯეტის დამტკიცებაზე და ბათუმის მერიის თანამდებობის პირების, ასევე საჯარო მოხელეთა თანამდებობრივი სარგოს გაზრდასთან დაკავშირებით დღეს იმსჯელებს.