"გული გაგისკდებათ... მდუმარედ დგანან თავდახრილები" - რას წერს გიგა მაქარაშვილი? - Palitra News

უკრაინაში რუსეთის შეჭრის დღიდან აქამდე 20 ქართველი მებრძოლია დაღუპული. ბოლო ცნობა ოკუპანტებთან ბრძოლას შეწირული ქართველი სამხედროს შესახებ 10 ოქტომბერს გავრცელდა.

ედიშერ კვარაცხელია რუსების მიერ უკრაინაზე მიტანილ სარაკეტო იერიშს დონეცკის ოლქში ემხვერპლა.

უკრაინის მიწაზე მყოფ გარდაცვლილ ქართველ სამხედროს ემშვიდობებიან და უკანასკნელ გზაზე, სამშობლოში აცილებენ.

სამოქალაქო აქტივისტი გიგა მაქარაშვილი, რომელიც კიევში იმყოფება, სოციალურ ქსელში გამომშვიდობების ამსახველ ფოტოს აქვეყნებს და წერს

"გული აგისკდებათ ამდენი, ერთად ატირებული ვაჟკაცის დანახვაზე. მდუმარედ დგანან თავდახრილები და ვინ იცის, რა დარდი ფეთქდება მათ გულებში. ედიშერ კვარაცხელიას ვაცილებთ სამშობლოში. დიდება გმირებს!" - წერს მაქარაშვილი.