დამუქებულმინებიანი ავტომობილით მოძრაობაზე ჯარიმა 10-ჯერ იზრდება. აღნიშულთან დაკავშირებით შინაგან საქმეთა სამინისტროს მიერ მომზადებული კანონპროექტი პარლამენტს უკვე გადაეგზავნა.
ცვლილებით, დამუქებული მინებისა ან შეზღუდული შუქგამტარობის მქონე სატრანსპორტო საშუალების მართვისთვის პასუხისმგებლობა მკაცრდება - სანქციის სახედ 500 ლარის ოდენობით ჯარიმის გადახდა შემოდის. მაშინ როცა აქამდე მოქმედი რედაქციით, ჯარიმა - 50 ლარს შეადგენდა.
ამასთან, იზრდება სანქცია აღნიშნული ქმედების განმეორებით ჩადენისთვის, ჯარიმის ოდენობა 1 000 ლარი იქნება. გარდა ამისა, აღნიშნული ქმედების მესამე და ყოველი მომდევნო განმეორება, რომელიც ითვალისწინებდა 300 ლარიან ჯარიმას, ასევე 1 000 ლარი გახდება.